टीकापुर/कैलालीको टीकापुरमा यस बर्ष पनि महोत्सवलाई निरन्तरता दिइने भएको छ । टीकापुर उद्योग वाणिज्य संघको आयोजनामा हुँदै आएको औद्योगिक व्यापार मेला यही पुस २५ गतेदेखि औद्योगिक व्यापार मेला तथा टीकापुर महोत्सव २०८१ हुने भएको छ ।
‘औद्योगिक, साँस्कतिक, शैक्षिक कृषि एवम पर्यटकिय सम्भावन समृद्धि सुदूरपश्चिम को परिकल्पना’ को नारा सहित टीकापुर महोत्सव २०८१ संचालन गर्न लागिएको हो ।
विहीबार टीकापुरमा पत्रकार सम्मेलन गरि संघले महोत्सव को तयारीका लागि तिब्र रुपमा जुटेको बताएको छ । महोत्सवमा १२७ पण्डालभित्र, बाहिर होटल २६ विज्ञान, मोटरसाईकल कृषि उद्यमी ९ कृषि, अटोमोबाईल्स १४, थारु गाउँमा १४ ओटा लगायत विभिन्न स्टल गरेर जम्मा २०० वटा स्टलहरु हुने भएको आयोजक संघले जनाएको छ ।
महोत्सवस्थलभित्र थारु गाउँ निर्माण गरि थारु गाउँ भित्र थारु भेषभुषा, कला संस्कृति, खानपान लगायतको प्रर्दशनी गरिने कला केन्द्र राखिने संयोजक सन्तोष खडकाले जानकारी दिए । महोत्सव तयारीका लागि संघले सन्तोष खडकाको संयोजकत्वमा ५ सदस्यीय महोत्सव सचिवालय गठन गरेको छ ।
साँस्कृतिक पर्यटन तथा नागरिक उद्यन मन्त्री बद्रि पाण्डेलाई प्रमुख अतिथिको रुपमा ल्याउन पनि टुंगो लगाइ सकिएको जनाइएको छ ।
महोत्सवमा राष्ट्रिय तथा स्थानिय कलाकारको उपस्थिति रहने जनाएको छ । भने स्थानिय कालाकारलाई विशेष ग्राहयता दिइने जनाइएको छ ।
महोत्सव पुस २५ गतेदेखि शुरु भइ माघको ६ गते सम्म संचालन हुने जनाएको छ ।
समाचार 
