टीकापुर / टीकापुरबाट काठमाडौं सम्मको हवाई भाडा समायोजन गरिएको छ ।
यति एयरलाइन्सले अब टीकापुर- काठमाडौं सम्मको हवाई भाडा ८ हजार पाँच सय रुपैयाँ कार्यान्वयन गर्ने भएको हो । सुरुवाति समयमा हवाई भाडा ९ हजार हवाई भाडा कायम भएको थियो । त्यसैगरी हप्तामा दुई दिन आइतबार र बिहीवार सञ्चालन हुँदै आएको हवाई सेवा अबदेखि मंगलबार पनि थप गरिएको छ । अबदेखि हप्तामा तीन दिन विमान सञ्चालनमा आउने भएको छ ।
शुक्रबार टीकापुर नगरपालिकाका नगर प्रमुख रामलाल डगौरा थारुले आज पत्रकार सम्मेलन मार्फत स्थानीयको मागअनुसार हप्तामा तीनदिन हवाई सेवा सञ्चालन गर्न लागिएको बताए । “हामीलाई सुरुमा विमानस्थल चल्दैन भनेर अफवाह फैलाउने काम भयो । अहिले नगरपालिकाले कुनै आर्थिक दायित्व लिनुपर्ने स्थिति देखिएको छैन ।” नगर प्रमुख थारुले भने, “अहिले नागरिकले टिकट पाइरहेका छैनन् । मागअनुसार नै अहिले एकदिन थप गरेर तीन दिन बनाउने तयारी गरेका छौँ ।” यात्रुको यस्तै चाप रहने अपेक्षा उनले गरे।
टीकापुर विमानस्थल सञ्चालनका लागि आवश्यकताको आधारमा आगामी दिन थप्ने विषयमा पनि एयरलाइन्ससँग छलफल हुँदै आएको भन्दै भाडाको विषयमा अझै लचिलो बन्न प्रयास गरिँदै आएको बताए । उनले विमानस्थल सञ्चालनमा आउनु टीकापुरका लागि महत्त्वपूर्ण विषय भएको बताए । टिकापुर बाट जहाज चलाउन सकिन्छ भन्ने प्रमाणित भैसकेको अवस्थामा ठूलो जहाज टीकापुरबाट काठमाडौं उडान भर्ने पुर्वाधार विकास गरेर सफल बनाउन सबैले लागि पर्नुपर्ने नगर प्रमुख डगाैराले बताए।
पत्रकार सम्मेलन मार्फत विमानस्थल सञ्चालनमा ल्याउन आआफ्नो क्षेत्रबाट सहयोग गर्ने सबै सहयोगी लाई धन्यवाद दिएका थिए। यो खबरले स्थानीय उत्साहित भई सरकारले टिकापुर विमानस्थलमा पुर्वाधार विकासका लागि बजेट छुट्टाउनु पर्ने र स्थानीयस्तरमा नागरिकस्तरमा सहयोग गरिने कुरा सामाजिक सञ्जाल मार्फत धारणा व्यक्त गरिएको छ ।
समाचार 
