बिहिबार टीकापुरमा वातावरण संरक्षणमा नागरिकको भूमिका भन्ने विषयमा नगरस्तरीय वक्तित्वकला प्रतियोगिता सम्पन्न भएको छ ।
टीकापुर नगरपालिकाको आर्थिक सहयोगमा र शुभारम्भ अनलाइन टेलिभिजनको आयोजनामा भएको उक्त वक्तित्वकला प्रतियोगितामा टिकापुर नगरपालिका भित्रका आठवटा विद्यालयले भाग लिएका थिए । जसमा कर्णाली माध्यमिक विद्यालय टीकापुरकि छात्रा कृस्टिना पोख्रेल प्रथम,सरस्वती माध्यमिक विद्यालय वनगाउँकि छात्रा नेहा वि.क दोस्रो र खड्ग स्मृति माध्यमिक विद्यालय टीकापुरकी छात्रा दिपिका भाट तृतीय भएकी थिइन ।
कर्णाली मा.वि. टीकापुरको प्राङ्गणमा सञ्चालन भएको उक्त प्रतियोगिताकाे निर्णयमण्डलमा टीकापुर नगरपालिका शिक्षा शाखा प्रमुख नरेश अवस्थी,वीरेन्द्र विद्या मन्दिर क्याम्पसका प्राध्यापक द्वारिका प्रसाद भण्डारी,त्रिपथ विद्या निकेतन टीकापुरका प्रिन्सिपल मान बहादुर थापा रहेका थिए ।
शुभारम्भ अनलाइन टिभीका प्रधान सम्पादक जनकराज तिमेलसिनाको सभापतित्वमा सुरु भएको उक्त कार्यक्रममा टिकापुर नगरपालिकाका नगरप्रमुख रामलाल डगौरा थारु,वन वातावरण तथा विपद व्यवस्थापन समिति संयोजक बलिराम चौधरी,कर्णाली माध्यमिक विद्यालय टिकापुरका प्रधानाध्यापक धर्मराज शर्मा, विरेन्द्र विद्यामन्दिर क्याम्पसका स्वबियु सभापति नवीन अधिकारी,पत्रकार भीम बि.क.ले स्वागत मन्तव्य राखेका थिए भने कार्यक्रमको संचालन शुभारम्भ अनलाइन टेलिभिजनका प्रबन्ध निर्देशक यज्ञराज सिम्खाडाले गरेका थिए ।
समाचार 
