भजनीका एकजना चितुवाको दाँत र छालासहित पक्राउ परेका छन् । कैलाली जिल्लाभजनी नगरपालिका-३ ठेकिपुरबाट सोही ठाउँ बस्ने ५६ वर्षका बिहारे चौधरी शुक्रबार ४ फिट ४ इन्च लम्बाइ र १ फिट १० इन्च चौडाइ भएको चितुवाको छाला र १२ वटा दाँत सहित पक्राउ परेका हुन । उनीबाट कालो प्लास्टिकको झोलाभित्र लुकाइ राखिएको अवस्थामा चितुवाको छाला र दाँत बरामद भएको प्रहरीले जानकारी दिएको छ । 
गोप्य सूचनाको आधारमा उनलाई सुदूरपश्चिम प्रदेश प्रहरी कार्यालय धनगढी, नेपाल प्रदेश प्रहरी कार्यालय महेन्द्रनगर र इलाका प्रहरी कार्यालय भजनी, कैलालीबाट संयुक्त रुपमा खटिएको प्रहरी टोलीले नियन्त्रणमा लिएको र अहिले यसबारे थप अनुसन्धान भैरहेको प्रहरीले जनाएको छ ।
नेपालमा वन्यजन्तुका अंगको अवैध व्यापार गैरकानुनी मानिन्छ, जसमा कठोर कानूनी कारबाहीको व्यवस्था गरिएको छ।
प्रकाशित : २०८१ माघ ५ शनिबार प्रकाशित
समाचार 
