मोहित श्रीपाइली / एकपटक सोच्नुस त ! महाकुम्भ देख्न पाउनु हामी भाग्यमानी होइनौं र ? न हाम्रो हजुरबुबा/ हजुरआमाले देखेका थिए न त हाम्रो नातिले देख्न पाउनेछन । यो भन्दा अघिको १८८१ को महाकुम्भको बेला न ईन्टरनेट थियो ,न हात हातमा क्यामेरा ,न त मोबाइल,न त अहिलेको जस्तो सेवा सुविधा नै र अब अर्को पटक हुने महाकुम्भमा हामी सायद मंगल ग्रहमा पुगिसक्ने छौं र सायद मोबाइल पनि लोप भैसक्ने छ र अन्य कुनै नयाँ प्रविधि आइसक्ने छ ।
हामी भनेको दुई युग “बिना प्रविधि र एड्भास प्रविधी” बिचको संगम हो,पुल हो । हामीले अलिकती भएपनी यी दुबै युग,कालखण्डको अनुभव गर्न पाएका छौं । बिना प्रविधिका हुर्किने पुस्ताले सायद यो सोचेकै थिएन होला कि संसार एक शताब्दी पछि यति एड्भान्स भैसक्छ र अब आउने पुस्ताले थाहै पाउने छैन कि कुनै समयमा दुनियाँ त्यस्तो पनि थियो होला भनेर तर हामीले आउने पुस्ता/युगलाई अनुमान गर्न सक्छौं कि यस्तो होला भनेर र हामी नै त्यो माध्यम हौं जसले आउने एड्भान्स पुस्तालाई वर्तमान प्रविधीमय युग मात्र होइन भुतको बिना प्रविधिमय अवस्थाका बारेमा पनि आफुले थाहा पाएको ज्ञान हस्तान्तरण गर्न सक्छौं ।
यो महाकुम्भ भनेको एउटा सनातन/हिन्दुका लागि मात्र, यो त सम्पुर्ण धर्म र सम्प्रदायका लागि महाउत्सव हो र मानव सभ्यता र ईतिहास को साक्षी पनि हो । जुनसुकै धर्मको भएता पनि आखिर यो संसार छोड्नै पर्ने हो र संसार अघि बढ्दै गर्ने हो तर ईतिहास सबै धर्मका लागि एउटै हो । जुन बद्लिने वाला छैन । यो महाकुम्भ भनेको हिन्दुहरुका लागि आउने पुस्तालाई हाम्रो धर्म,संस्कृति र परम्पराका बारेमा ज्ञान बटुल्ने क्षण हो जुन भावी पुस्तालाई हस्तान्तरण गर्न अति आवस्यक छ र अन्य धर्मका लागि सभ्यता र मानवताका बारेमा ज्ञान बटुल्ने अवसर हो ताकी आउने पुस्तालाई पहिलेको समाज र सभ्यता यस्तो थियो भनी ईतिहास बताउन सकियोस । जसले गर्दा आउने पुस्तालाई आफ्नो ईतिहास सबै थाहा हुन्छ र ३-४ शताब्दी पछि संसार निकै एडभान्स भैसक्छ र कुनै कारणबस मानव सभ्यता लोप हुँदै गयो ईतिहासको सभ्यता खोतल्नु पर्यो भने तपाईले आज जानेको कुरा उनीहरुलाई एउटा महत्त्वपूर्ण कडि/क्ल्यु बन्न सक्छ ।
त्यसैले यो सनातन को हो यो उसको हो हामी किन जाने नभनेर अवलोकन गर्न र इतिहासको साक्षी बन्न यो महाउत्सव महा सहभागी बनौं ।
अहिले सम्मको मानव इतिहासमा सबैभन्दा धेरै मानिसहरु भेला भएको क्षण पनि यहि हो । त्यसैले सम्पुर्ण धर्म र सम्प्रदायका साथी-भाईहरुलाई भन्न चहान्छु कि यो महाकुम्भमा सहभागी हुनुस या अवलोकन गर्नुस ताकी पछि आउने पुस्तालाई शताब्दियौं पछि पनि यस महाकुम्भको छाप छोड्न र स्मरण गराउन सकियोस । महाकुम्भ मात्र नभइ इतिहासमा यो भएको थियो भनी ईतिहास सुनाउन सकियोस ।
“धार्मिक आस्था राखेरै नभएनी ईतिहास र वर्तमान मानव सभ्यताको साक्षी बन्न महाकुम्भमा जानुहोस ”
अन्त्यमा,यस महाकुम्भले सम्पुर्ण जगतको कल्याण गरोस, यो बिग्रीदै गरेको समाजलाई सहि बाटो तिर लगोस र संसारमा मर्दै गएको मानवतालाई फेरि जिवित बनाओस ।
समाचार 
