ताप्लेजुङमा बर्डफ्लु संक्रमण रोक्न कडा कदम चालिएको छ। झापा, मोरङ र सुनसरीमा बर्डफ्लु बढेपछि ती जिल्लाबाट पन्छी तथा पन्छीजन्य वस्तु आयातमा पूर्ण प्रतिबन्ध लगाइएको हो।

जिल्ला बर्डफ्लु नियन्त्रण समितिको शुक्रबार बसेको बैठकले यस्तो निर्णय गरेको हो। प्रमुख जिल्ला अधिकारी शिवराज सेढाईंको अध्यक्षतामा बसेको बैठकले संक्रमण भित्रिन नदिन चेकपोइन्टहरूमा कडा निगरानी गर्ने र लुकाएर ल्याइएको पाइए नष्ट गर्ने निर्णय गरेको छ।

अर्को सूचना नआउँदासम्म ती तीन जिल्लाबाट पन्छीजन्य वस्तु नल्याउन सम्बन्धित सबैलाई निर्देशन दिइएको छ। साथै जिल्लाभरका पन्छी पसल, मासु पसल र फार्महरूमा पनि अनुगमन बढाइने भेटेरिनरी अस्पताल तथा पशु सेवा कार्यालयले जनाएको छ।