टीकापुर / इलाका प्रहरी टिकापुरले सुरक्षाकर्मी कुटिएको भन्दै जानकी गाउँपालिका ३ का तीन जनालाई पक्राउ गरेको छ ।
पक्राउ पर्नेमा लक्ष्मण चौधरी, आशाराम चौधरी र राम चौधरी रहेका छन् । उनीहरुलाई बिहीबार राती घरबाटै पक्राउ गरिएको छ ।
जानकि गाउँपालिका ३ काे लायकपुर शिविरकाे ३ सय मिटर नजिकै केही व्यक्ति आपसमा झगडा भएको विषयलाई लिएर साँस्कृतिक कार्यक्रममा संम्वद्व व्यक्तिलाई घर बाट लिएको स्थानीयकाे आराेप छ ।
स्थानीयका अनुसार प्रहरीलाई कता कसले कुट्यो थाहा छैन तर दशैको कार्यक्रम रातीसम्म गरेर प्रहरी कुटेको भन्दै तीन जनालाई पक्राउ गरिएको छ ।
लायकपुर शिविरमा दशै सम्वन्धी कार्यक्रम थियो, त्यहाँ कुनै झगडा भएन तर सञ्चालक लक्ष्मण सहितका कार्यक्रमका आयोजकलाई पक्राउ गरिएको स्थानीयको भनाइ छ ।
टीकापुर इलाका प्रहरी कार्यालय प्रमुख प्रहरी नायव उपरीक्षक हेम बहादुर शाहीले भने प्रहरी अनुसन्धान गरिरहेकोले कोही निर्दोष भए छुट्ने बताए ।
उनले भने, टीकापुर सहितको वरपरको क्षेत्र संवेदनशील भएकोले दशैका कार्यक्रम गर्दा अनुमति लिनुपर्ने बताए । लायकपुरको कार्यक्रम पनि अनुमति विना नै गरिएको उनले बताए ।
प्रहरीले अनुमति लिएर कार्यक्रम गर्नुपर्ने भनेता पनि टिकापुरका विभित्र स्थानमा साँस्कृतिक कार्यक्रम अबेर रातिसम्म भएका थिए ।
पछिल्लोपटक टिकापुर प्रहरीकाे गतिविधिले नागरिकलाई अनावश्यक हैरानी दिने गरेको र प्रहरीको नागरिक मैत्री व्यवहार नभएको टिकापुरका एक बुद्धिजीवीकाे भनाइ रहेको छ ।
समाचार 
