सत्ति /टीकापुर नगरपालिकाका नगर प्रमुख रामलाल डगाैरा थारुले टीकापुर क्षेत्रमा रहेका शिविर बस्ती हटाउने कुरा चुनावी एजेन्डाकाे हर्कत भएको बताएका छन् ।
`सुकुम्बासी , भुमिहिन ,दलित , उपेक्षित वर्गका मानिस वर्षाैं देखि बस्दै आएको शिविरकाे उचित व्यवस्थापन नहुञ्जेल शिविर खालि हुँदैन´ उनलेे भने । बिहीबार ८ वटा शिविरका बासिन्दाकाे आयाेजनामा गरिएकाे एक कार्यक्रममा नगर प्रमुख थारुले साे कुरा बताएका हुन् । नगर प्रमुख थारुले अहिलेको टीकापुर नगरपालिकाकाे सुचनाले शिविर बस्तीलाई कुनै समस्या नगर्ने बताए ।
उनले कुनै विकल्प नभएर सयौं परिवारलाई विस्थापित गर्न नसकिने बताउँदै बजार क्षेत्रका अतिक्रमण परेका जग्गालाई खाली गराउनका लागि प्रक्रिया अघि बढाइएको बताए । “बस्ती हटाउने भन्ने भ्रम शिविरमा छर्ने काम भएको सुन्नमा आएको छ । त्यो सत्य होईन ।” नगर प्रमुख थारुले भने , शिविरका जनतालाई चुनावकाे मुखैमा कुनै नेताले सुनियोजितरुपमा छरेकाे भ्रम हो यस्तो गलत कुरामा विस्वास नगर्न सराेकारवालालाई उनलेे आग्रह गरे ।
“विकल्प खोजेर शिविर खाली गर्न प्रदेश सरकार सँग समन्वय भैरहेको छ ।” उनले भुमिहिन सुकुम्बासी, भुमिहिन दलित र अव्यवस्थित वसाेवासीकाे तथ्यांक संकलन गरि लालपुर्जा वितरणको प्रकृयामा नगरपालिका लागिरहेको बताउदै चुनाव पछि शिविरका बस्तिकाे उचित व्यवस्थापन गरिने बताए ।
बिहीबार टीकापुर वडा नं १ अन्तरगत रहेका ८ वटा बस्तीमा रहेका सुकुम्बासी,मुक्त कमैया ,भु.पु कर्मचारी, मुक्त कमैया , बाढी पिडित स्थानीय बासिन्दालाई उचित बसोबासको व्यवस्था गर्न माग सहितको ग्यापन पत्र संघर्ष समितिले टिकापुर नगरपालिकाका नगर प्रमुख रामलाल डगौरा थारु समक्ष बुझाएका छन् ।
समाचार 
