टिकापुर / आगामी मंसिर ४ गते हुन गैरहेकाे निर्वाचनमा आचारसंहिता पालना गराउनमा पत्रकार र नागरिक समाजको भुमिका महत्त्वपूर्ण हुने बताइएको छ । साे कुरा संवाद समूह टिकापुरकाे आयोजनामा शनिबार भएको एक सर्वपक्षीय कार्यक्रममा कैलाली जिल्ला क्षेत्र नम्बर १ का निर्वाचन अधिकृत राजेन्द्रसिंह भण्डारीले बताएका हुन । भण्डारीले कैलालि क्षेत्र नम्बर १मा निर्वाचन आचारसंहिता अनुगमनका लागि विभिन्न निकायलाई परिचालन गरिएको बताएका छन् ।
निर्वाचन क्षेत्रमा दलको चुनाव चिन्ह देखिने टाेपि,भेष्ट स्टिकर र ताेकिएकाे संख्या भन्दा बढि -यालि गर्न नपाइने बताएका छन् ।
यसैगरी राज्यका विभिन्न निकायमा लाभका पदमा बसेर निर्वाचनको प्रचारप्रसारमा कर्मचारी ,शिक्षक ,सुरक्षाकर्मी संलग्न भएको भेटिएमा कार्वाही हुने भण्डारीले जानकारी दिए । 
कार्यक्रममा सहभागी उद्योग वाणिज्य संघ टिकापुरका अध्यक्ष चक्रपाणि सापकोटाले निर्वाचन आचारसंहिता पालनाका लागि निजी क्षेत्र बाट हुनसक्ने सहयोगका लागि निजि क्षेत्र सदैव तयार रहेको बताएका थिए । निर्वाचन अधिकृत भण्डारीले निर्वाचन आचारसंहिता उल्ङ्घन कहाँ नीर भएको छ पत्रकारले जानकारी दिएर सहयोग गर्नुपर्ने बताएका थिए ।
समाचार 
