माेहित श्रीपाइली / आज अक्षय तृतीया । हरेक वर्ष वैशाख शुक्ल तृतीयाका दिन यो पर्व मनाइन्छ । जौ र चनाको सातु एवं चिसो पानीको सर्वत ख्वाइँदै अक्षय तृतीया पर्व मनाउने गरिन्छ ।
यस अवसरमा टिकापुरकाे सत्ति स्थित पद्म प्रकाशेश्वर मन्दिरमा पनि आज दर्शनार्थीहरुको पूजा आराधना गर्दै र बटुवाहरुलाइ सर्वत र महाप्रसाद खुवाएर मनाइएको छ । आजकै दिन महादेव र देवी पार्वती को विवाह भएको शास्त्रोक्त कथन छ । अक्षय तृतीया पर्वमा सर्वत खाँदा र खुवाउँदा पुण्यप्राप्त हुने जनविश्वास रहेको पद्म प्रकाशेश्वर महादेव मन्दिरका पुजारी ईश्वरी दत्त मिश्रले बताए ।
यस पर्वको वर्णन भविष्य पुराणमा उल्लेख छ । अक्षय तृतीयामा पुरोहित तथा दुखिलाई शीतल खाद्य परिकार र वस्त्र दान गर्दा अन्न भण्डार कहिल्यै खालि नहुने कथन रही आएको छ । मन्दिर व्यवस्थापन समिति ,स्थानीय ,भक्तजनकाे सहयोगमा करिब दुई सय यात्रुलाई सातु र सर्वत वितरण गरिएको मन्दिर व्यवस्थापन समितिकाे सदस्य कविता चाैधरिले सुदुर सन्दर्भ डटकमलाई जानकारी दिईन् ।
अक्षय तृतीया पर्वलाई सुख र समृद्धिको प्रतिक समेत मानिन्छ । यो पर्वले गर्मीमा पसिना धेरै आएर शरीर शिथिल हुने हुँदा शरीरमा चिनीको मात्रा सन्तुलन राख्न सख्खर र चिनीमा बनाइएको शीतल सर्वत र पुष्टिवद्र्धक अन्न जौ र चनाको सातु खाने परम्परा रहेको पनि छ ।
समाचार 
