खक्राैला / सशस्त्र प्रहरीले कम्तीमा छ लाखको सामान सामग्री विओपि खक्राैला स्थित सशस्त्र प्रहरीले बरामद गरेको छ।
विओपि खक्राैलाका डिएसपी जंग बहादुर कुँवर का अनुसार टिकापुर ८ अर्नवाफाँटा नजिकै बाट विना भन्सारका सामग्री बरामद गरिएको हो ।कुँवरका अनुसार गएराति समातिएको सामानकाे परिमाण जाँच्ने काम भैरहेकाे बताए ।
भन्सार विनाको सामान भारतीय बजार बाट नेपाल छिर्ने क्रममा समातिएको बताइएको छ । तथापि सामान ओसारपसारमा संलग्न लाई भने समातिएको छैन। विशेष सुचनाकाे आधारमा साे सामान समातिएकाे बताइएको छ । हार्डवयर र ठूलो परिमाणमा कपडा रहेको स्थानीयले जानकारी दिए ।
पक्राउ परेका सामग्री सत्ति भन्सार कार्यालयमा बुझाउने तयारी भैरहेको विओपि खक्राैलाले जानकारी दिएको छ । सत्ति भन्सारका केही कर्मचारीले भन्सार गर्न आएका व्यापारीलाई राजस्व बाहेकको अतिरिक्त रुपैयाँ माग्ने गरेको व्यापारीकाे गुनासो रहेको छ । लक्ष्य अनुसारको राजस्व संकलन गर्न नसकेको भन्सारका प्रमुख भने कार्यालय बाहिर रहेकाे स्थानीयले जानकारी दिए ।
समाचार 
