सत्ति / कैलालीमा बाघको छाला सहित दुई पुरुष पक्राउ परेका छ्न । उनीहरुको साथबाट ६ फिट ११ इन्च लम्बाई २ फिट ४ इन्च चौडाई र ७ फिट ३ इन्च लम्बाई २ फिट चौडाई भएका दुइटा बाघको छाला बरामद भएको जानकारी प्राप्त भएको छ ।
बिहीवार राती १० बजे कैलालीकाे गोदावरी नगरपालिका वडा नं.२ रिङरोड स्थित नेपाल प्रहरी प्रदेश कार्यालय महेन्द्रनगर कंचनपुरबाट खटिएकाे टोलि र ई.प्र.का.मालाखेतिबाट खटिएको प्रहरीको संयुक्त गस्ती टोलीले विषेश सुराकीको आधारमा उनीहरुलाई ईलाका प्रहरी कार्यालय मालाखेती नजिकैबाट बाघको ( चितुवाको )छाला सहित पक्राउ गरेको हो ।
पक्राउ पर्नेमा बैतडी जिल्ला दोगडाकेदार गाउँपालिका २ का ६५ वर्षिय देव सिंह बिष्ट र पाटन नगरपालिका ८ का ३० वर्षिय हर्क बहादुर बिष्ट रहेका छन । प्रहरीका अनुसार पक्राउ परेका दुबैलाई नियन्त्रणमा लिएर थप अनुसन्धान सुरु गरिएको नेपाल प्रहरी प्रदेश कार्यालय महेन्द्रनगर कंचनपुरले जनाएको छ ।
समाचार 
