सत्ती/ कैलालीको जानकी गाउँपालिका स्थानीय आपतकालिन कार्यसंचालन केन्द्रले कार्तिक ५,६ र ७ गते सम्मका लागि कृषकहरुलाई धान नकाट्न र काटिसकेका कृषकहरुले व्यवस्थापन गर्न आग्रह गरेको छ ।
पालिकाले जल तथा मौसम विज्ञान विभागको पुर्वानुमान अनुसार दशैं विशेष बुलेटिन प्रकाशन गरी बर्ष हुने भनेपछि धान नकाट्न आग्रह गरेको हो । यदि धान काटेको भए तत्काल बालिहरुलाई भित्राउन
गाउँपालिकाका कृषकहरुलाई आग्रह गरेको छ ।
गाउँपालिकाले निर्माण गरेको पूर्व सूचना संयन्त्रको प्रयोग गरी पालिका बासीहरुमा म्यासेजका माध्यमबाट समेत जानकारी गराएको जानकी गाउँपालिका वन वातावरण तथा विपद् व्यवस्थापन शाखा प्रमुख नेत्र प्रसाद जैशीले जानकारी दिएका छ्न ।
पालिकाले मौसमका बारेमा जानकारी लिन स्थानिय आपतकालिन कार्य सन्चालन केन्द्रले प्रकाशन गर्ने सूचनाहरु नियमित रुपमा हेर्न समेत आग्रह गरेको छ । नेपाल सरकार उर्जा, जलस्रोत तथा सिंचाई मन्ष्रालयजल तथा मौसम विज्ञान विभाग मौसम पूर्वानुमान महाशाखाले २०८० कार्तिक ३ गते अपराहन्न २ बजे दशै विशेष बुलेटिन प्रकाशन गरी यस्तो
आग्रह गरेको हो ।
समाचार 
