खक्राैला / सत्ति भन्सार कार्यालयका प्रमुख धनबहादुर शाहीले प्रशासन चुस्त बनाउने बताएका छन्।
शुक्रबार ७२औँ अन्तर्राष्ट्रिय भन्सार दिवसका अवसरमा आयोजित अन्तरक्रिया कार्यक्रममा शाहीले साे कुरा बताएका हुन् । उनले भन्सार कार्यालयमा जनशक्तिको पनि अभाव रहेको अाैंल्याउँदै प्लान्ट तथा पशु क्वारेन्टाइन स्थापनाकाे विषयमा सबै क्षेत्र बाट पहलहुन आवश्यक रहेको बताएका थिए ।
कार्यक्रममा नेपाल पत्रकार महासंघ सुदुर पश्चिम प्रदेश समिति सदस्य तथा सुदुर सन्दर्भ डटकमका प्रबन्ध निर्देशक भिम विकले अन्तर्राष्ट्रिय सीमामा राज्य खडा हुने पहिलो स्थान भन्सार रहेकाले व्यवस्थित र मर्यादित हुन आवश्यक रहेको बताउँदै भारतीय सेवाग्राहीलाई छिटो छरितो र शिष्ट भाषाको प्रयोग गर्नुपर्नेमा जाेड दिएका थिए ।
सत्ति भन्सार प्रशासनमा हाकिम र कर्मचारी बिचमा समन्वयकाे अभाव रहेको जानकारी आएको बताउँदै आन्तरिक सुधारको खाँचाे भएको सुझाव दिएका थिए । उनलेेसत्ति भन्सारले पुर्वी कैलालीकाे विकासमा महत्त्वपूर्ण योगदान दिने प्रचुर सम्भावना भएको स्मरण गराएका थिए ।
स्थानीय व्यापारी सुरेश खड्काले भन्सार ,नेपाल प्रहरी र सशस्त्र प्रहरीले आफ्नो जिम्मेवारीमा प्रतिबद्ध रही चोरी पैठारी नियन्त्रण गर्न कडाइका साथ लाग्नुपर्नेमा जाेड दिएका थिए ।
दिवसको अवसरमा भन्सार परिसर सरसफाइ र ब्याडमिन्टन प्रतियोगिता गरिएको थियोे ।
कार्यक्रममा भन्सार कर्मचारी, एजेन्ट , व्यापारी, पत्रकार ,नेपाल प्रहरी ,सशस्त्र प्रहरी र स्थानीयको सहभागीता रहेको थियोे ।
पुस महिनामा १ करोड २४ लाख ७० हजार राजस्व संकलन लक्ष्य रहेकोमा १ करोड ४२ लाख ७१ हजार असुली भएको जानकारी प्राप्त भएको छ । सत्ति भन्सारले यसवर्ष
१२ करोड राजस्व संकलनको लक्ष्य लिएकोमा पुस मसान्तसम्ममा ६ करोड राजस्व संकलन भएको नायब सुब्बा सिताराम बुढाथोकीले जानकारी दिए ।
समाचार 
