सत्ति / लैंगिक समानता ,अपांगता तथा सामाजिक समावेशीकरण पहलकाे स्थिति ,चुनाैति विषयक एक दिने कार्यशाला साेमबार टिकापुरमा सम्पन्न भएको छ ।
द एशिया फाउन्डेसनको आर्थिक तथा प्राविधिक सहयोग र दलित महिला केन्द्र नेपालको सहकार्य र टिकापुर नगरपालिकाकाे आयोजनामा भएको उक्त प्रभावकारी र समावेशी सुशासन सुदृढीकरण कार्यक्रममा सहभागी वक्ताहरुले कार्यक्रमकाे प्रभावकारिता बिस्तारै बढ्दै गएको बताएका थिए ।
लैंगिक समानता ,अशक्त र सामाजिक समावेशीकरणका दलित ,महिला र अल्पसंख्यकका सवालमा सरकार जिम्मेवार रहेको बताउँदै संघसंस्थाकाे सहयोग बाट झन प्रभावकारी बढेको बताएका थिए ।
द एशिया फाउन्डेसन र दलित महिला केन्द्रकाे सहयोगले दलित , महिला ,जनजाति ,पिछडिएका जनप्रतिनिधिको निरन्तर क्षमता विकासका कार्यक्रमले उनिहरुमा आफ्नो अधिकारका सवालमा निर्धक्क शीत कुरा राख्न सक्ने भएको कार्यक्रममा सहभागी टिकापुर नगरपालिका वडा नम्बर ४ कि वडा सदस्य तुलसा वि.क.ले बताइन् ।
स्थानीय तहमा कार्यपालिकीय र न्यायिक अधिकार रहेकाले यसलाई स्थानीय सरकार भनिएको हो भन्ने कुरा विविध तालिम बाट जानकारी पाएकाे विकले बताइन् ।
स्थानीय सरकार जनता शासनमा सहभागी हुने र लोकतन्त्रको प्रतिफल प्राप्ति गर्ने अवसर पाउने भएकोले स्थानीय सरकार लोकतन्त्र र असल शासनको आधारस्तम्भ मानिन्छ र यसको प्रभावकारी कार्यान्वयनका लागि महिला तथा दलित समुदायका जनप्रतिनिधिको सशक्तीकरणका लागि द एशिया फाउन्डेसनले सहयोग गरेको टिकापुर नगरपालिका महिला तथा बालबालिका उपशाखा प्रमुख संगिता शाहले बताइन् ।
कार्यक्रमकाे अध्यक्षता गरेका टिकापुर नगरपालिकाका नगर प्रमुख रामलाल डगाैरा थारुले जनताको विकासमा सहभागिता, निर्णयमा पहुँच तथा शासन र लाभमा सबैको समावेशी सहभागिता जस्ता मापदण्डले स्थानीय सरकारको सुशासनको अवस्थालाई प्रतिविम्बित गर्ने र स्थानीय सरकार प्रति जनताको अपनत्व बढ्ने बताएका थिए ।
कार्यक्रममा टिकापुर नगरपालिकाका निमित्त प्रमुख प्रशासकीय अधिकृत लक्ष्मि वड, वडा अध्यक्ष हरु,कार्यपालिका सदस्यहरु, विभिन्न शाखाका प्रमुख ,द एशिया फाउन्डेसनका सुदुर पश्चिम प्रदेश संयोजक यज्ञमान सेट्टिकाे र वडा सदस्यहरुकाे सहभागीता रहेको थियोे भने संचालन टिकापुर नगरकार्यपालि का सदस्य मन्जु वि.क.ले गरेकाे आयोजकले जानकारी दिए ।
समाचार 
