सत्ति / जानकी गाउँपालिकाको १४ औं गाउँसभाले आ.व. २०८०/०८१ मा १३ विधामा उत्कृष्ट कार्य गरेका १३ जना व्यक्तिहरुलाई जानकी गाउँपालिकाको स्थानीय सेवा पुरस्कार सम्बन्धी कार्यविधि, २०८० बमोजिम सम्मानित गरेको छ । 
जसमा अधिकृतस्तरमा आर्थिक प्रशासन शाखा प्रमुख दिनेश माझी,सहायस्तरमा इलेक्ट्रिसियन रमेश चौधरी, श्रेणीविहीनस्तरमा हलुका सवारी चालक चित्र बहादुर चौधरी,वडास्तरमा वडा नं.१ र ४ का वडा प्राविधिक लेखनाथ उपाध्याय,स्वास्थ्य सेवा तर्फ आधारभूत स्वास्थ्य सेवा केन्द्र जानकी- ६, जगतपुरका प्रमुख बिष्णु थापा र शिक्षा क्षेत्रमा राष्ट्रिय आधारभूत विद्यालय जानकी-८, खैरीपुरका प्रधानाध्यापक खेत बहादुर चौधरी सम्मानित भएका छन् । 
यसैगरी जानकी गाउँपालिकाको स्थानीय स्तरमा विभिन्न क्षेत्रमा उल्लेखनीय योगदान गर्ने व्यक्तित्वहरुलाई सम्मानित गरिएको छ । उत्कृष्ट कृषक समूह तर्फ प्रेमलाल कृषि फर्म समूह, जानकी-१ धर्मापुर उत्कृष्ट पशुपालन कृषक तर्फ अमरावती बाख्रापालन फर्म, जानकी-९ अमरावती ,उत्कृष्ट निर्माण व्यवसायी तर्फ जय भवानी कन्स्ट्रक्सन प्रा.लि. घोडाघोडी-१, कैलाली उत्कृष्ट स्वास्थ्य स्वयंसेविका तर्फ सुशिला चौधरी, जानकी-१, धर्मापुर, उत्कृष्ट सहकारी संस्था आधुनिक कृषक बहुमुखी सहकारी संस्था लि. जानकी-९, कैलाली ,उत्कृष्ट बड्घर बसन्ती थारु जानकी-५ अमौरी र उत्कृष्ट मेलमिलापकर्ता भद्रबिर चौधरी जानकी-१, तोरैयापुर सम्मानित भएका छन् ।
गाउँपालिका अध्यक्ष गणेश चौधरीको अध्यक्षतामा भएको सम्मान कार्यक्रममा उपाध्यक्ष लालमति कठरिया, वडा नं. ९ का वडा अध्यक्ष खकेन्द्र भण्डारी, सम्मानित व्यक्ति इन्दा कुमारी डाँडी र विष्णु थापाले मन्तव्य राखेका थिए ।
समाचार 
