सत्ति / टीकापुर नगरपालिका–७ र ८ मा चितुवाकाे त्रास फैलाएको छ। चितुवा बस्तीमा आएर घरपालुवा जनावर मार्नुका साथै मानिसमाथि पनि आक्रमण गर्न थालेपछि त्रास बढेको हो।
केही दिनअघि वडा नं. ८ फाटाका २२ वर्षीय अरविन चौधरीलाई चितुवाले झम्टेको थियो। उनको शरीरमा घाउ लागेको छ। उनी अहिले खतरामुक्त छन्। राति बस्तीमा आउने चितुवाले भैँसी, बाख्रा, बङ्गुर र कुकुर मारेको छ।
सामुदायिक वन क्षेत्र नजिक भारततर्फ घना जङ्गल भएकाले उताकाे जनावर विचरण गर्न यता पुगेको स्थानीय कृत ठकुल्लाले बताए।
Oplus_131072
पारिबाट कहिलेकाहीँ हात्ती, बाघ र चितुवा आउँछन् उनलेे भने टीकापुरका वडा नं ७, ८, ५ र २ मा जङ्गल क्षेत्र जोडिएकाले यी वडामा जङ्गली जनावरको जोखिम रहेको बताए ।
बर्दिया राष्ट्रिय निकुञ्ज क्षेत्रबाट पनि जङ्गली जनावर आउने भएकाले यहाँको बस्ती असुरक्षित रहेको छ ठकुल्लाले भने ।
‘केही महिनादेखि जंगली जनावरको आक्रमण बढेकोले स्थानीयमा त्रास बढेको स्थानीय रामनारायण चाैधरिले भने’।
प्रकाशित : २०८१ श्रावण ९ बुधबार प्रकाशित
समाचार 
