सत्ति / टिकापुर नगरपालिका भित्रका सामुदायिक विद्यालयका प्राथमिक तहमा अंग्रेजी विषय अध्यापन गर्ने शिक्षकहरुकाे तालिमको समापन भएको छ ।
टिकापुर नगरपालिकाका ३३ वटा सामुदायिक विद्यालयका अंग्रेजी विषय अध्यापन गर्ने शिक्षकहरुकाे सहभागिता रहेको साे तालिमको समापन कार्यक्रममा बाेल्दै वक्ताहरुले तालिमले विद्यार्थीकाे अंग्रेजी विषयमा सिकाई उपलब्धि माथि उकास्ने सहयोग पुगाउने बताएका थिए । 
टिकापुर स्थित सरस्वती मावि वनगाउँका शिक्षक सम्झना अर्यालकाे अग्रसरतामा टिकापुर नगरपालिकाका कक्षा १ देखि ५ सम्मका अंग्रेजी अध्यापन गर्ने शिक्षकका लागि विद्यालय तहमा पढ्ने , लेख्ने सीप प्रवर्द्धनका लागि तालिमको आयोजना गरिएको बताइएको थियोे ।
समापन कार्यक्रममा बाेल्दै नेपाल पत्रकार महासंघ सुदुर पश्चिम प्रदेश सदस्य भिम विकले तालिमले नयाँ सीप सिकाउने भएकोले शिक्षकले विद्यार्थी लाई पछिल्लो नयाँ नयाँ ज्ञान सीप हस्तान्तरण गर्ने भएकोले यो तालिम पनि फलदायी हुने बताउनु भएको थियो । तालिमका प्रमुख प्रशिक्षक अर्यालले तालिमको समापन नभइ सुरुवात भएको बताउँदै छलफल र सहकार्य बाट अंग्रेजी विषयमा सुधारका लागि अघि बढ्ने बताउनु भएको थियोे । 
यस भन्दा पछाडि विद्यालयका प्रधानाध्यापक संग पनि अन्तरक्रिया कार्यक्रम हुने बताइएको थियो । सहभागीहरुका तर्फबाट प्यारुराम चाैधरिले तालिम बाट कक्षामा गरिने व्यवहारिक ज्ञान सिकेको बताउँदै राम्रो काम गर्ने शिक्षकलाई पुरस्कृत गर्ने व्यवस्था हुनुपर्नेमा जाेड दिनुभएको थियोे । प्रगतिशील प्राथमिक विद्यालयका प्रधानाध्यापक कल्पना स्वर्णकारले प्रविधियुक्त पढाइ बाट सिकाइमा बढाेत्तरि हुने हुँदा प्राथमिक तहका विद्यालयलाई पनि प्रविधि युक्त बनाउनुपर्नेमा जाेड दिनुभएको थियो ।
तालिममा सिकेका कुरा विद्यालयमा लागू गर्न नगरपालिकाले शिक्षकलाई प्रविधि युक्त बनाउनुपर्ने एकीकृत नेपाल शिक्षक संगठन टिकापुर नगर समिति अध्यक्ष जाेगि रावलले बताउनु भएको थियोे । नेपाल शिक्षक संघ टिकापुर नगर समितिका अध्यक्ष भक्त रावलले यो तालिम सबैभन्दा उत्कृष्ट तालिम भएको बताउनुभएको थियो ।
टिकापुर नगर शिक्षा समितिका सदस्य धर्मराज शर्माले तालिममा सिकेका कुरा व्यवहारमा लागू गर्नुपर्नेमा जाेड दिनुभएको थियो । समापन कार्यक्रमका प्रमुख अतिथि तथा टिकापुर नगरपालिकाका शिक्षा अधिकृत नरेश अवस्थिले तालिममा सिकेका कुरा कक्षाकोठामा लागू गरेमा तालिम लिएको महत्त्व हुने बताउनुभएको थियो ।
समापन कार्यक्रम सरस्वती मावि वनगाउँका सहायक प्रधानाध्यापक मैन बहादुर खड्काकाे अध्यक्षतामा भएको थियो ।
समाचार 
