विनोद चाैधरी , दुर्गाैलि / पुर्वी कैलालीको जानकी गाउँपालिकाले तीन वटा विद्यालयलाई मर्ज गरेको छ । गाउँ कार्यपालिका को मंगलबार सम्पन्न बैठकले पालिकाका तीन वटा विद्यालयलाई समायोजन गर्ने निणर्य गरेको हो ।
बैठकले वडा नं. मा रहेको गायत्री आधारभूत विद्यालयलाई जनता नमूना माध्यमिक विद्यालयमा समायोजन गरेको छ । त्यस्तै वडा नं. ९ को बिन्ध्याबासिनी आधारभूत विद्यालयलाई जनता आधारभूत विद्यालय र वडा नं. ९ कै कालिका आधारभूत विद्यालयलाई राष्ट्रिय मा.वि. पाताभार मा समायोजन गर्ने निणर्य गरेको हो ।
कार्यपालिकाको बैठकले पालिकाका भित्रका सात वटा विद्यालयको तह पनि मिलान गरेको छ ।
बैठकले वडा नं. ९ मा रहेको राष्ट्रिय मा.वि.लाई आधारभूत तह, वडा नं. ५ मा रहेको राष्ट्रिय आधारभूत विद्यालयलाई प्रावि तहमा झार्ने निणर्य गरेको छ । कार्यपालिका बैठकले जानकी २ मा रहेको राष्ट्रिय आभारभूत विद्यालयलाई प्रावि कक्षा ५, कालिका आधारभूत विद्यालयलाई प्रावि ५ सम्म तह घटुवा गर्ने निणर्य गरेको हो ।
त्यस्तै बैठकले वडा नं. ३ मा कक्षा ५ सम्म सञ्चालित बालमुक्ति आधारभूत विद्यालय र गौरीशंकर आधारभूत विद्यालयलाई कक्षा ३ सम्म र वडा नं. ६ मा कक्षा ५ सम्म सञ्चालित कालिका प्रा.वि.लाई कक्षा ३ सम्म सञ्चालन गर्ने गरी घटुवा गरेको छ ।
विद्यार्थी संख्या, भौतिक पूर्वाधार, शिक्षक दरबन्दी, विद्यालय-विद्यालय बिचको दुरीका लगायतका आधारमा विद्यालय समायोजन तथा तह मिलान गरिएको जानकि गाउँपालिकाका सामाजिक विकास शाखाका संयोजक कमल महताेले जानकारी दिए ।
‘शिक्षा ऐनमा भएको व्यवस्था अनुसार कक्षागत विद्यार्थी संख्या, नजिकमा रहेका विद्यालयको दुरी, शिक्षक दरबन्दी जस्ता आधारमा समायोजन र तह मिलान गरेका हौं’ संयोजक महताेले भने ।
हाललाई बाल विकास कक्षा भने सोही विद्यालयमा सञ्चालन गरिने बताए । ‘यो वर्ष बालविकास कक्षा तिनै विद्यालयमा सञ्चालन हुन्छ, यसमा विद्यालय व्यवस्थापन समिति र शिक्षकले मेहनत गरे अर्को वर्ष कक्षा वृद्धि गर्न सकिन्छ, होइन भने अर्को वर्षदेखि समायोजन भएका विद्यालय बन्द हुनेछन्’ उनले भने ‘स्तरीय शिक्षाका लागि स्थानीय सरकार लाई, अभिभावक र शिक्षक सबै जिम्मेवार हुन आवश्यक छ ।’पालिकाले सामुदायिक विद्यालयको गुणस्तर वृद्धि गर्नका लागि समायोजन र तह मिलान गरेको बताइएकाे छ ।
समाचार 
