खक्राैला / टिकापुर नगरपालिका वडा नम्बर -९ स्थित रहेको सत्ति भन्सार कार्यालय पछाडि जाने हो भने यत्रतत्र सवारीसाधन देख्न सकिन्छ । भन्सार कार्यालय परिसरमा विगत अढाई वर्ष देखि सुरक्षा निकाय र सत्ति भन्सार कार्यालयले समातेका सवारीसाधन वेवारिसे जस्तै छरिएर रहेका छन् ।
भन्सार छलि गरेर नेपालमा सामान सहित छिर्ने क्रममा पक्राउ परेका यी सवारीसाधन खुला आकाशमुनि रहेकोले राम्रो अवस्थामा रहेका सवारीसाधन पनि खिया लागेर काम नलाग्ने अवस्थाका भएको स्थानीयकाे भनाइ छ । 
भन्सार कार्यालयले समयमै लिलामकाे सुचना प्रकाशित गरेर राज्यकाेषमा राजस्व उठ्ने स्थानीय सुरेश खड्काले बताए ।
भन्सार परिसरमा रहेका सवारीसाधन लाई टहरा बनाइ सुरक्षित राख्न सकेको भए घामपानि,शित र सामान हराउन बाट बच्ने उनको भनाइ छ ।वार्षिक दस करोड राजस्व उठाउने कार्यालयले ४/५ लाखको टहरा बनाएर जफत गरिएका साधन लाई सुरक्षित राख्नुपर्ने स्थानीय भरत साउँदले बताए ।
पक्राउ गरेका भन्सारमा बुझाएका सवारीसाधन चालू अवस्थामा हस्तान्तरण हुने भए पनि हाल ती साधनका पार्टपुर्जा निकालिएको अवस्था रहेको एक स्थानीयले बताए । भन्सार कार्यालय परिसरमा रहेका र मुद्दाको किनारा लागिसकेका सवारीसाधनकाे लिलामिका लागि प्रक्रिया यथासिघ्र हुने सत्ति भन्सार कार्यालयका प्रमुख दीनहरि सापकोटाले जानकारी दिए ।
हामीले आन्तरिक तयारी गरिसकेको अवस्था हो अब छिटोभन्दा छिटो सवारीसाधन कुन कस्तो अवस्थामा छन छुट्याएर लिलामका लागि प्रक्रियामा छिट्टै जाने सापकोटाले बताए ।
भन्सार कार्यालयमा १ सय वटा बाइक पत्रु( कटिङमा जाने ) ७० वटा अन्य र दर्ता भएका बाइक, ९ वटा अटो रिक्सा ,२ वटा पत्रु कार, १ वटा दर्ता भएको कार,१ वटा ट्याक्टर ,१ वटा ट्रलि रहेको कार्यालयका नायब सुब्बा पदम भट्टले जानकारी दिए । 
भन्सार कार्यालयमा अलपत्र अवस्थामा रहेका सवारीसाधनकाे लिलामि कहिले हुन्छ भन्ने प्रश्नको जवाफमा नायब सुब्बा भट्टले भने ” सबै तयारी भएको छ यातायात व्यवस्था कार्यालयका इन्जिनियर सहितको टाेलिकाे मुल्यांकन भए पछि लिलामिकाे प्रक्रिया अघि बढ्नेछ उनलेे भने ” ।
समाचार 
