सत्ति / आज साउन महिनाको अन्तिम सोमवार आज देशभरका शिवालयहरुमा हिन्दु श्रद्धालु भक्त हरुको घुइँचो लागेको छ।
साउनको सोमवार भगवान शिवको प्रिय बार भएकाले यस दिन व्रत, पूजापाठ, दान लगायतका काम गरिन्छ। साउन महिनामा पवित्र नदी, ताल आदिबाट जल लगेर शिवालयमा चढाउने तथा बोलबम मेला पनि लाग्ने गर्छ। बोलबम तीर्थालुहरुको पनि देशभरका शिवालयमा घुइँचो छ। ज्योतिषशास्त्र अनुसार साउने सोमवारमा गरिने शिवको व्रत विशेष फलदायी हुन्छ ।
साउनको सोमवार व्रत बसी भगवान् शिवको उपासना गरेमा पारिवारिक कल्याण, सुख शान्ति एवं मनोकांक्षा पूरा हुने धार्मिक विश्वास रहेको छ। आजको दिनमा कैलाली टिकापुर ७ सत्ति स्थित प्राचीन तथा पुरातत्त्विक महत्त्वकाे पद्म प्रकाशेश्वर महादेव मन्दिर र टिकापुर १ काे शिव मन्दिर , बेलुवा र खक्राैलाकाे महादेव मन्दिरमा पनि भक्तजनहरु पुजा अर्चनाका लागि भिड लाग्ने गरेको छ । पुरातात्त्विक महत्त्वकाे सत्ति स्थित पद्म प्रकाशेश्वर महादेव मन्दिरमा पछिल्लो समयमा दर्शनार्थीहरुकाे घुईचाे लाग्ने गरेको छ । 
समाचार 
