सत्ति/टीकापुरकाे केरा बारीमा चितुवा मृत भेटिएकाे छ ।
टीकापुर ७ सत्ती स्थित महेश रावलकाे केरा बारीमा मृत अवस्थामा चितुवा भेटिएको छ । मृत भेटिएकाे चितुवा गन्हाउने अवस्थाकाे रहेकाे र चितुवाकाे पछाडिको खुट्टा छुट्टिएकाे र पेट फुटेकाे अवस्थाकाे रहेको छ ।
मृत चितुवाकाे टाउकाेमा चाेटपटक लागेकाे छ । मृत चितुवाकाे अवस्था हेर्दा ठुलाे चितुवाले आक्रमण गरेर मारेकाे हुन सक्ने शंका गरिएकाे छ ।
चितुवा २/३ अघि मरेकाे हुन सक्ने प्रहरी चाैकी सत्तीका ईन्चार्ज टेक बहादुर चन्दले बताए । मृत चितुवालाई प्रहरी, सामुदायिक वन र ईलाका वन कार्यालय टीकापुरकाे टाेलीले मुचुल्का उठाई पाेष्टमार्टमका लागि ईलाका वन कार्यालय टीकापुर लगिएकाे छ ।
प्रकाशित : २०८१ फाल्गुन २४ शनिबार प्रकाशित
समाचार 
