टीकापुर / कैलालीकाे जानकी गाउँपालिका ४ मुनुवामा २०७० साल भन्दा अघि १० समुहका महिलाहरुले समुहमा बचत गर्थे । एक समुहमा १० देखि २० जना महिला सहभागी थिए र मासिक ५ देखि २० रुपैयाँ बचत गर्थे ।२०७० सालमा सबै समुह मिलेर मेलमिलाप बचत तथा ऋण सहकारी संस्था दर्ता गरे । 
२५ जना महिलाहरुकाे सक्रियतामा ३५ हजार शेयरपुँजीबाट शुरु गरिएकाे सहकारीका महिला अहिले कराेडाैकाे काराेबार गर्छन् ।
दर्ता भन्दा अघि समुहमा ५० जना महिलाले ५ देखि २० रुपैयाँ सम्म समुह बचत गर्थे ।
हाल साे सहकारीमा ३ सय ३५ जना शेयर सदस्य छन भने बार्षिक ८० लाखकाे हाराहारीमा काराेबार गरेकाे सहकारीका व्यस्थापक पार्वती बजगाईले बताइन् ।
सहकारीको हाल १२ लाख ६१ हजार शेयरपुँजी रहेकाे सहकारीकि अध्यक्ष रिता देबी वडायकले बताईन । ग्रामिण क्षेत्रका महिलाकाे सहकारी प्रति आकर्षण बढाई जिविकाेपार्जनमा टेवा पुर्याउनका लागि संचालनमा रहेकाे सहकारीले व्यवसाय गर्ने महिलालाई १ लाख सम्म बिना धिताे ऋण लगानी गर्ने गरेकाे सहकारीको अध्यक्ष रिता वडायकले बताइन् । कृषि व्यवसाय गर्ने महिलालाई ५० हजार सम्म बिना धिताे ऋण दिने गरेकाे उनले बताईन ।महिलाहरुमा अहिले सम्म करिब ६५ लाख रुपैयाँ लगानी रहेकाे छ । समूहमा ५ देखि २० रुपैयाँ बचत गर्ने महिलाले सहकारी दर्ता गरि कराेडाैंकाे काराेबार गरेको देख्दा अरु महिलाको लागि पनि प्रेरणादायक काम भएको जानकी गाउँपालिका कन्चनपुरका रामेश्वर रेग्मीकाे भनाई छ । साझा संस्थानकाे भवनबाट सेवा दिदै आएकाे सहकारी काे जानकी गाउपालिका २/४/७ मा कार्यक्षेत्र रहेकाे व्यवस्थापक पार्वती बजगाईले जानकारी दिईन । 
स्थापनाकालमा ६ समुदाय शंकरपुर , बेलपुर, झालाटाेल, कञ्चनपुर, जवलपुरका १० वटा समूह रहेका थिए भने अहिले थप ७ वटा महिला समूह गरि १७ वटा महिला समूह आवद्व रहेका छन ।
समाचार 
