बिपनामा नभेटेनि सपनामा हरेक रातमा छौ
लाग्छ सुर्यको लाली संगै रोज नै प्रभातमा छौ
चिसो चिसो मन्द मन्द बतास चल्छ जब यहाँ
त्यत्तिबेला आउँछ याद कुनै रुखको पातमा छौ
बर्तमान को सुन्यतामा बिगत लाइ सम्झी हेर्दा
तिम्रै चिट्ठीपत्रका ति बिच बिचको खातमा छौ
मग मग चल्छ सुवास जब फुलको थुङ्गा बाट
फुल टिप्दा लाग्छ तिमी फुल संगै हातमा छौ
✏️अर्पणा “सर्बिन”
प्रकाशित : २०८१ बैशाख १० सोमबार प्रकाशित