सुनको मूल्य बुधवार ३ सय रुपैयाँले घटेको छ। नेपाल सुनचाँदी व्यवसायी महासङ्घका अनुसार मङ्गलवारको तुलनामा सुनको मूल्य बुधवार ३ सयले घटेको हो। बुधवार सुन प्रतितोला १ लाख १६ हजार रुपैयाँमा कारोबार भइरहेको छ। मङ्गलवार सुन प्रतितोला १ लाख १६ हजार ३ सयमा कारोबार भएको थियो।
मङ्सिर १८ गतेयता सुन प्रतितोला ५ हजार ६०० रुपैयाँले घटेको हो। मङ्सिर १८ गते छापावाल सुन प्रतितोला १ लाख २१ हजार ६ सय रुपैयाँ कायम भएको थियो। जुन मूल्य हालसम्मकै उच्च हो। त्यसयता निरन्तरजसो घटेको सुनको भाउ बुधवार प्रतितोला १ लाख १६ हजार रुपैयाँमा कायम भएको हो।
अन्तर्राष्ट्रिय बजारमा सुनको मूल्य घट्दा नेपाली बजारमा पनि असर परिरहेको महासङ्घले जनाएको छ।
साभार : नागरिक
प्रकाशित : २०८० मंसिर २७ बुधबार प्रकाशित
समाचार 
