सत्ति / नारायणपुर जेसिजकाे शाखा अधिवेशन सम्पन्न भएको छ ।
शनिबार भएको शाखा अधिवेशन बाट अध्यक्षमा विजय धामीलाई चयन गरेको छ । जेसिजकाे वर्ष २०२४ का लागि कार्यकारी उपाध्यक्षमा संगित शाहि र दिलिप बुढा चयन भएका छन् भने उपाध्यक्षमा देवबहादुर बाेहरा, तपेन्द्र क्षेत्री ,पुष्कर न्याैपाने र गाेरख रावल चयन भएका छन् ।
नारायणपुर जेसिजका अध्यक्ष किरण कडायतकाे अध्यक्षतामा भएको शाखा अधिवेशनकाे प्रमुख अतिथि टिकापुर नगर विकास समितिका पुर्व अध्यक्ष फकिरसिंह कडायत रहेका थिए । नवनिर्वाचित अध्यक्ष विजय धामीले महासचिवमा शंकर केसीलाई चयन गरेका छन् भने कोषाध्यक्ष र कानुनी सल्लाहकारको आगामी २७ गते शुक्रबार चयन गरिने धामीले बताए ।
नवनिर्वाचित पदाधिकारीको पदभार ग्रहण यही जनवरी २०२४ भित्र गरिने वर्ष २०२३ का अध्यक्ष सुरज अधिकारीले बताए ।
साधारणसभामा राष्ट्रिय क्रिकेट टिमका प्रशिक्षक जगत टमट्टा, खेलाडी पुस्कर साउँद , कलाकार अाेम प्रकाश चाैधरि , रमेश बादिलाई सम्मानित गरिएको थियोे ।
अधिवेशन बाट नारायणपुर जेसिजकाे मानार्थ सदस्यमा सुदुर सन्दर्भ डटकमका प्रबन्ध निर्देशक भिम वि. क. र अाेपेन्द्र खड्कालाई चयन गरिएको छ ।
नवनिर्वाचित वर्ष २०२४ का अध्यक्ष धामीले संस्थागत विकास, सामाजिक सेवा, खेल तथा युवा उद्यमशीलता र लागुऔषध नियन्त्रणमा विशेष जोड दिने बताए ।