सत्ति / लम्की प्रहरीले ठुलो परिणाममा लागू औषध सहित भारतिय नागरिक लाई बिहीबार प्रक्राउ गरेको छ । भारतको उत्तर प्रदेश कानपुर घर भइ लम्कीचुहा ७ को एक गुट्का कम्पनीमा काम गर्ने मनमोहन तिवारी बाट खैरो हिरोइन जस्तो देखिने ४ ग्राम ५३० मिलिग्राम सहित उनलाई लम्की बसपार्क बाट कारोबार र सेवन गरि रहेको भन्ने सुचनाको आधारमा इलाका प्रहरी कार्यालय लम्की प्रमुख प्रहरी निरीक्षक कान्तिराज जोशीको निर्देशनमा इलाका प्रहरी कार्यालय लम्कीका प्रहरी बरिस्ठ नायब निरिक्षक महेन्द्र गिरि र प्रदेश प्रहरी कार्यालय बाट खटिएका सइ प्रकाश कठायतको संयुक्त टोलीले पक्राउ गरेको हो । 
ती भारतिय नागरिकलाई थप अनुसन्धान भइ रहेको जिल्ला प्रहरी कार्यालय कैलालीका प्रबक्ता कुलदिप चन्दले जानकारी दिए । बिहीबार नै कालाकुण्डा प्रहरीले माेहना नदि पुलमा चेकजाँचकाे क्रममा ५ सय मिलिग्राम ब्राउन सुगर जस्तो देखिने धुलो सहित जानकि गाउँपालिका ९ जगतपुरका २३ वर्षका नैनसिंह साउँदलाई पक्राउ गरेको छ । कालाकुण्डा प्रहरीले फागुन महिनामात्र ३ जना लागू अाैषध सेवनकर्ता लाई पक्राउ गरेको थियो ।
समाचार 
