सत्ति । आइतबार बाँकेको कोहलपुर नगरपालिका स्थित मेडिकल कलेज कोहलपुरको कम्पाउन्ड भित्र पार्किंग गरी राखेको एम्बुलेन्स भित्रका सामान चोरी गर्ने २ जना पक्राउ परेका छन् ।
पक्राउ पर्नेमा बर्दियाको बाँसगढी नगरपालिका वडा नम्बर ३ बस्ने २७ वर्षीय उमेश खत्री र जिल्ला रामेछाप मन्थली नगरपालिका वडा नम्बर २ बस्ने २४ वर्षीय सञ्जु विसुङ्गे रहेका छन् ।
प्रहरीले टीकापुर नगरपालिका ८ धनसिंहपुर कैलाली स्वास्थ्य चौकीको सु.प.प्र. ०१-००१ झ ०५१२ नम्बरको एम्बुलेन्सको लक तोडी एम्बुलेन्स भित्र रहेका १० लिटरको अक्सिजन १ थान, सोहिमा प्रयोग हुने फलो मीटर १ थान सहित दुवैलाई पक्राउ गरेको हो । यश बारे अनुसन्धान भइरहेको प्रहरीले जनाएको छ।
प्रकाशित : २०८१ बैशाख ३ सोमबार प्रकाशित
समाचार 
